L’edicion 2020 de la Sautejada, la grana hèsta deus Sauts bearnés, que’s harà lo 28 de noveme. Que serà ua edicion numerica qui’s debanarà a l’adreça sautejada.menestrersgascons.com.
Au programa, un gran dirècte de 18h a 20h dab :
- Intervencions musicaus de Joan Francés e Jordan Tisnèr e de Licotissa
- Las prumèras vidèos de la creacion hip-hop / dança tradicionau
- Animacions ludicas tau public : blind-test, karaoke au traderai…
- E un hèish d’autas suspresas
Que i aurà tanben ua enigma : un Saut mistèri a devinar. Petitas espròvas devath la fòrma de jòcs que’vs permeteràn d’obtiéner indicis tà trobar aqueth Saut.
La Sautejada qu’aurà tanben un « estanquet virtuau » on poderetz crompar produits improbables. Que’n saberetz mei pro lèu.
Enfin, desfís que seràn prepausats en amont. Lo Trampolin Sauts bearnés e lo desfís Sauts de creacion mes tanben autes, qui’vs seràn desvelats tot lo long deu mes de noveme.
Que vs’esperam nombrós !